பன்னீர் தோசை | Paneer dosa in tamil

இப்ப எல்லாருமே பன்னீர் உபயோகிக்க ஆரம்பிச்சுட்டோம். கால்சியம் பன்னீர்-ல நிறைஞ்சு இருக்கு. குழந்தைகளுக்கு பன்னீர் ரொம்பவே பிடிச்சமான உணவாயிடுச்சு, இந்த மாதிரி செஞ்சு கொடுத்தா குஷியா சாப்பிடுவாங்க. என் அக்கா பையனுக்கு ரொம்ப பிடிக்கும்.வாரத்துல ஒரு தடவையாச்சும் இந்த தோசை செய்றது வழக்கம். அதுமட்டும் இல்லாம வீட்டுல பன்னீர் செய்றது ரொம்பவும் சுலபம், கடைக்கு போய் பன்னீர் வாங்கணும்ங்கிற அலைச்சல் இல்ல.

பன்னீர் தோசை

தயார்செய்யும் நேரம் : 10 நிமிடம் | சமைக்கும் நேரம் : 10 நிமிடம்

அளவு :3-4 தோசை | உணவு வகை : இந்திய உணவு

தேவையான பொருட்கள்:

பன்னீர் - 100 - 150 கிராம்

ஜீரகம் - 1/2 தேக்கரண்டி

பெரிய வெங்காயம் - 1

தக்காளி - 1

கருவேப்பில்லை - ஒரு கொத்து

உப்பு - தேவையான அளவு

மிளகாய் தூள் - 1/4 - 1/2 தேக்கரண்டி

மஞ்சள் தூள் - 1/8 தேக்கரண்டி

பச்சை மிளகாய் -1

செய்முறை விளக்கம்:

1. பன்னீரை துருவிக் கொள்ளவும். வெங்காயம்,பச்சை மிளகாய், கருவேப்பில்லை மற்றும் தக்காளியை பொடியாக நறுக்கிக் கொள்ளவும். ஒரு வாணலியில் எண்ணெய் ஊற்றி சீரகம் போட்டு பொரிந்தவுடன் பொடியாக நறுக்கிய வெங்காயம், பச்சைமிளகாய், கருவேப்பில்லை சேர்த்து வதக்கவும்.
   
2. வெங்காயம் வதங்கிய பின்பு தக்காளி சேர்த்து குலையும் வரை வதக்கி அதில் மஞ்சள் தூள், மிளகாய் தூள் மற்றும் தேவையான அளவு உப்பு சேர்த்து 1 நிமிடம் வதக்கவும். பின் கடைசியாக துருவிய பன்னீர் சேர்த்து கிளறவும்.
   
3. பன்னீர் பூரணம் தயார். தோசைக் கல்லில் தோசை ஊற்றி சுற்றிலும் என்னை விடவும்..ஒரு புறம் தான் வேகவைக்கப் போகிறோம் எனவே சட்டுகம்/தோசைதிருப்பி கொண்டு தோசை மேலே சமன் செய்து விடவும்.
   
4. தோசை வெந்த பிறகு பன்னீர் பூரணத்தை தோசைக்கு நடுவில் வைத்து இரண்டாக மடக்கி எடுத்தால் பன்னீர் தோசை தயார்.
   

சுவையான பன்னீர் தோசை தயார்:)

என் குறிப்பு:

1. சிறிதளவு கரம் மசாலா தூள் கூட சேர்த்துக் கொள்ளலாம்.