வீட்டில் பன்னீர் செய்வது எப்படி?

தேவையான பொருட்கள்:

1. பால் - 1 லிட்டர்

2. எலுமிச்சம்பழ சாறு - 2-3 தேக்கரண்டி

செய்முறை விளக்கம்:

1. பாலை ஒரு பாத்திரத்தில் ஊற்றி சூடேற்றவும்.

2. பால் ஆடை கட்டாமல் அவ்வப்போது ஒரு கரண்டியால் கிளறி விடவும்.

3. பால் காய்ந்து பொங்கி வரும்போது 2 தேக்கரண்டி எலுமிச்சம்பழ சாற்றை அதில் விடவும்.

4. அதன் பின் படத்தில் காண்பது போல பால் திரிந்து வரும். திரியவில்லையெனில் இன்னும் ஒரு தேக்கரண்டி சாறை ஊற்றினால் நன்கு திரிந்துவிடும்.

5. ஒரு பாத்திரத்தின் மேல் ஒரு காட்டன் துணியை விரித்து திரிந்த பாலை ஊற்றி வடிகட்டவும்.

6. வடிகட்டிய பின்பு அதனை துணியோடு சேர்த்து மீதமுள்ள தண்ணியையும் பிழிந்து விடவும்.

7. பின்னர் அந்த குட்டி துணிமூட்டையின் மேல் ஒரு கனமான பாத்திரத்தை வைத்து அழுத்தி ஒரு 30 நிமிடம் கழித்து எடுத்தால் பன்னீர் தயார்.

8. பின் நமக்கு தேவையான வடிவத்தில் வெட்டிக் கொள்ளலாம்.

இந்த பன்னீரைக் கொண்டு நான் செய்த பன்னீர் அவல் செய்து பாருங்கள்.

அறுசுவை உலகம் தமிழ்