வெண்டைக்காய் பகோடா

வெண்டைக்காய் பகோடா செய்றது ரொம்ப சுலபம். வெண்டைக்காய் புளி குழம்பு, வெண்டைக்காய் பொரியல்-னு வீட்டுல வழக்கமா வெண்டைக்காயில செய்றத விட இந்த மாதிரி கொஞ்சம் வித்யாசமா செஞ்ச நம்ம மனசுக்கும் ஒரு சந்தோசம் கிடைக்கும் இல்லையா?

தேவையான பொருட்கள்:

வெண்டைக்காய் - 250 gm

கடலை மாவு - 1/4 கப்

மிளகாய்த் தூள் - 1 தேக்கரண்டி

அரிசி மாவு - 1 மேஜைக்கரண்டி

தயிர் - 2 மேஜைக்கரண்டி

உப்பு - தேவையான அளவு

ஜீரக தூள் - 1/4 தேக்கரண்டி

மஞ்சள் தூள் - 1/8 தேக்கரண்டி

எலுமிச்சம்பழ சாறு - 1 தேக்கரண்டி 

செய்முறை விளக்கம்:

1. வெண்டைக்காயை தண்ணீரில் நன்கு அலசி காட்டன் துணி கொண்டு தண்ணீரை துடைத்து விடவும். வெண்டைக்காயின் தலை மற்றும் வாழ் பகுதியை அகற்றிவிட்டு இரண்டாக வெட்டவும்.
   
2. ஒரு பாத்திரத்தில் கடலை மாவு, மிளகாய்த் தூள், மஞ்சள் தூள், அரிசி மாவு, ஜீரகத் தூள் மற்றும் உப்பு சேர்த்து கலந்து கொள்ளவும். எலுமிச்சை சாறு சேர்க்கவும்.
   
3. தயிர் சேர்த்து கலக்கி வெட்டி வைத்துள்ள வெண்டைக்காய் துண்டுகளை சேர்த்து மாவுக்கு கலவையுடன் கலக்கவும். மாவு வெண்டைக்காயில் ஓட்டும் அளவு சிறிது தண்ணீர் தெளித்து கலக்கினால் போதும். 
   
4. பின் ஒவ்வொரு வெண்டைக்காயாய் எடுத்து காய்ந்த எண்ணையில் போட்டு எண்ணெய் கொதி அடங்கும் வரை வேகவிட்டு பொரித்தெடுத்தால் மொறுமொறுப்பான வெண்டைக்காய் பகோடா தயார்.
   

என் குறிப்பு :

1. வெண்டைக்காய் நன்றாய் மொறு மொறுவென வேகா வேண்டும் இல்லையெனில் சாப்பிடும் பொது சொத சொதவென இருக்கும்.

2. எண்ணெய் நன்றாக காய்ந்த பிறகு வெண்டைக்காய் துண்டுகளை போட்டு பொரித்தெடுக்கவும்.