மேங்கோ பிஸ்தா குல்பி | Mango pista kulfi recipe in tamil

மேங்கோ பிஸ்தா குல்பி செய்வது எப்படி புகைப்படத்துடன் கூடிய செய்முறை விளக்கம் தமிழில். வெயிலின் தாக்கத்தை குறைக்க அவ்வப்போது இந்த மாதிரி ஜில்லுனு குல்பி சாப்பிட்டா எப்படி இருக்கும். நினைக்கும் போதே குளு குளுனு இருக்குதா ? வீட்டுல செஞ்சு சாப்பிட்டு பாருங்க அதோட ருசியே தனி தான்.



அருமை அருமை !



இதை எப்படி செய்றதுன்னு பாக்கலாம்.

மேங்கோ பிஸ்தா குல்பி

தயார் செய்யும் நேரம் : 5 - 12 மணி நேரம் 
சமைக்கும் நேரம்  : 15 நிமிடம் 
அளவு  : 4 குல்பி 

தேவையான பொருட்கள் :
மாம்பழம் விழுது  - 1/2 கப் (நான் 2 மாம்பழம் உபயோகித்து 1/2 கப் அளவு விழுது தயாரித்தேன்)
பால் - 1 கப் + 3 தேக்கரண்டி
 கன்டென்ஸ்ட் மில்க்(Milk maid/Condensed milk)  - 6 மேஜைக்கரண்டி
சோள மாவு  - 1.5 தேக்கரண்டி
பிஸ்தா - 10 பொடியாய் நறுக்கிக் கொள்ளவும்.

செய்முறை விளக்கம் :

1. பால் மற்றும்  கன்டென்ஸ்ட் மில்க் இரண்டையும் ஒரு பாத்திரத்தில் ஊற்றிக் கொல்லவம். பின் பாத்திரத்தை அடுப்பில் வைத்து காய்ச்சவும்.
2. பால் காய்ந்துகொண்டிருக்கும் சமயத்தில் ஒரு பௌலில் சோள மாவு எடுத்து 3 தேக்கரண்டி பால் ஊற்றி கரைத்து வைத்துக்கொள்ளவும். இப்பொழுது காய்ந்துகொண்டிருக்கும் பாலில்  நறுக்கிய பிஸ்தா துண்டுகளை சேர்த்து கலக்கவும்.
3. அடுப்பை சிம்மில் வைத்து 10 - 15 நிமிடம் வரை பாலை சுண்டக் காய்ச்சவும். அவ்வப்போது அடிபிடிக்காமல் இருக்க கிளறி விடவும். 10 நிமிடம் கழித்து கரைத்து வைத்துள்ள சோளமாவு கலவையை ஊற்றவும்.
4. மேலும் 4 நிமிடம் பாலை காய்ச்சவும். பின் அடுப்பை அணைத்து கலவையை நன்கு குளிர விடவும். மாம்பழத்தை மைய அரைத்து வைத்துக் கொள்ளவும். 
5. நன்கு ஆரிய பால் கலவையில் இந்த மாம்பழ விழுதை சேர்த்து கலக்கவும்.
6. இதனை குல்பி அச்சு அல்லது வீட்டில் இருக்கும் டம்ளரில் ஊற்றி ஐஸ் கிரீம் குச்சியை  நடுவில் சொருகி ப்ரீசரில்() ஒரு இரவு முழுவதும் வைக்கவும். மறுநாள் குல்பியை சுலபமாக டம்ளரில் இருந்து விடுவிக்க  டம்ளரின் மேல் நீர் விட்டு எடுக்கவும்.

சுவையான மேங்கோ குல்பி தயார் !


My Notes:
1. தேவைப்பட்டால் பிரெஷ் கிரீம் சிறிதளவு சேர்த்துக் கொள்ளலாம்.
2. நான் வீட்டில் செய்த கன்டென்ஸ்ட் மில்க் உபயோகித்தேன். கடையில் வாங்கியது என்றால் சிறிது குறைவாக உபயோகிக்கவும்.
3.இனிப்பு வகை மாம்பழம் உபயோகிக்கவும்.