கோல்ட் காபி | Cold coffee recipe in tamil

கோல்ட் காபி செய்வது எப்படி புகைப்படத்துடன் கூடிய செய்முறை விளக்கம். இந்த கோடைக்கு குளு குளுனு ஏதாச்சும் குடிக்கணும் போலவே இருக்கும் , அதுலயும் காபி குடிச்சு பழகினவுங்களுக்கு இந்த கோல்டு காபி ஒரு அருமையான காபி பதார்த்தம் இந்த கோடையில் சுவைத்து மகிழ.



இதை எப்படி செய்வது என்று பார்க்கலாம்.

கோல்ட் காபி 

தயார் செய்யும் நேரம் :5நிமிடம் 
அளவு : 2 பேர் 

தேவையான பொருட்கள்:
இன்ஸ்டன்ட் காபி பொடி - 1 தேக்கரண்டி அல்லது காபி டிகாஷன் - 1 மேஜைக்கரண்டி 
சுடு நீர்  - 1 மேஜைக்கரண்டி
வெனிலா ஐஸ் கிரீம்  - 1 பெரிய ஸ்கூப்
குளிர்ந்த கொழுப்புள்ள பால்  - 1 கப் / 1/4 லிட்டர்
ஐஸ் கட்டி  - 4
சக்கரை - 1.5 மேஜைக்கரண்டி
சாக்லேட் சிரப்  - 1 மேஜைக்கரண்டி (அலங்கரிக்க)

செய்வது எப்படி:

1. ஒரு குட்டி பௌலில் காபி பொடி எடுத்துக் கொண்டு அதனுடன் சுடுநீர் சேர்த்து கலந்து வைக்கவும்.
   
2. ஒரு மிக்ஸி ஜாரில் நாம் கலந்து வைத்த காபி டிகாஷன் , சக்கரை மற்றும் ஐஸ் கிரீம் சேர்க்கவும்.
   
3. பின் அதனுடன் குளிர்ந்த பால் மற்றும் ஐஸ் கட்டி சேர்க்கவும்.
   
4. அனைத்தையும் நன்றாக நுரை  வரும் வரை அடிக்கவும். பின் பரிமாறுவதற்கு டம்ளர் எடுத்துக் கொள்ளவும்.
   
5. டம்ளரில் கொஞ்சம் சாக்லேட் சிரப் ஓரங்களில் ஊற்றி பின் அடித்து வைத்துள்ள காலத் காபி ஊற்றி பரிமாறவும்.
   

சுவைத்து மகிழுங்கள் கோடைக்கு ஏற்ற குளு குளு கோல்ட் காபி  :)



என் குறிப்பு :
1. சாக்லேட் சிரப் கட்டாயம் சேர்க்க வேண்டிய அவசியம் இல்லை.
2. சக்கரை தங்களின் தேவைக்கேற்ப சேர்த்துக் கொள்ளவும்.